( إهداء لروح أبينا الشهيد القس مينا عبود )

يجرا ايه لو مت شهيد ؟
يجرا كتير
مسمار جديد فى ايد المسيح
هيدق
وايدين بالدم
على باب السما هتدق
ارفع راسك
لحد السما وشق
طريق النور والحق
لو مت شهيد
ما تنساش قبل ما تموت
تقول لا
للظلم لا
المسيح صحيح على الصليب مات
بس قام
وظلام الليل شق
لو مت شهيد
ما تقولش اى
الشهدا زى الضى
الضى ما يتكسرش
دا الهنا حى
ومها كانت الضلمة
الفجر اكيد جاى
يجرا ايه يعنى لو مت شهيد؟
يا راجل
هو فيه شهيد بيموت ؟
الشهيد زى النسيم
لما ع الوشوش بيفوت
يرسم ملامح حنين
ويعطر البيوت
ويقول بعلو الصوت
امين .. امين
ربنا موجود